Kataloniyada politsiya 1-oktabrda o‘tkazilishi rejalashtirilgan mustaqillik bo‘yicha haqidagi referendumda saylov uchastkasi vazifasini o‘tashi kerak bo‘lgan 1300 ta maktabni yopdi. Bu haqda, Ispaniya hukumatining rasmiy vakili Enrike Melloning so‘zlariga asoslanib, “RIA Novosti” xabar bermoqda.
Avvalroq Kataloniya hukumati tomonidan 1-oktabr, yakshanba kuni 2315 ta saylov uchastkalari ochiq bo‘lishi va ular 9:00 dan 20:00 gacha ishlashini ma’lum qilingan edi.
Saylovchilarning umumiy ro‘yxatida 5343358 nafar saylovchi qayd etilgan.
“2315 ta maktabdan 1300 tasi politsiya tomonidan yopildi. Ulardan 163 tasida hali sport va boshqa to‘garaklarga qatnaydigan kishilar bor. Ular 1-oktabr, soat 6:00 gacha bino bo‘shatilishi kerakligi haqida ogohlantirildi”, — deydi hukumat vakili.
U “yopiq” tushunchasiga aniqlik kiritar ekan, bu jumla politsiya tomonidan kirish taqiqlangan binolarga muhr bosilganini anglatishini aytib o‘tdi.
Izoh (0)