Afg‘oniston poytaxtida ikki nafar xudkush shialarning katta masjidi yonida portlashni amalga oshirdi, deb xabar berdi “Korrespondent.net”.
“Interfaks” hodisa oqibatida 6 kishi halok bo‘lgani va 30 kishi jarohat olganini xabar qilmoqda.
Shuningdek, hujumni uyushtirgan ikki nafar xudkush ham halok bo‘lgan, ular portlashni masjid ichida amalga oshirishni rejalashtirgan bo‘lishi mumkin.
Hujum 29-sentabr, juma namozi vaqtida sodir bo‘lgan.
Afg‘oniston prezidenti Ashraf G‘ani ushbu hujumni qoraladi va hujumchilar afg‘on xalqining birdamligiga o‘zlarining “dinga zid bo‘lgan g‘ayriinsoniy harakatlari orqali” ta’sir ko‘rsata olmasliklarini ma’lum qildi.
Hozircha hujum uchun mas’uliyatni hech kim bo‘yniga olgani yo‘q. Bunga qadar Kobuldagi shialarga qarashli obyektlarga uyushtirilgan bir nechta hujumlarni IShID o‘z bo‘yniga olgandi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)