Афғонистон пойтахтида икки нафар худкуш шиаларнинг катта масжиди ёнида портлашни амалга оширди, деб хабар берди «Корреспондент.net».
«Интерфакс» ҳодиса оқибатида 6 киши ҳалок бўлгани ва 30 киши жароҳат олганини хабар қилмоқда.
Шунингдек, ҳужумни уюштирган икки нафар худкуш ҳам ҳалок бўлган, улар портлашни масжид ичида амалга оширишни режалаштирган бўлиши мумкин.
Ҳужум 29 сентябрь, жума намози вақтида содир бўлган.
Афғонистон президенти Ашраф Ғани ушбу ҳужумни қоралади ва ҳужумчилар афғон халқининг бирдамлигига ўзларининг «динга зид бўлган ғайриинсоний ҳаракатлари орқали» таъсир кўрсата олмасликларини маълум қилди.
Ҳозирча ҳужум учун масъулиятни ҳеч ким бўйнига олгани йўқ. Бунга қадар Кобулдаги шиаларга қарашли объектларга уюштирилган бир нечта ҳужумларни ИШИД ўз бўйнига олганди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)