Surxondaryolik xususiy tadbirkor Afg‘onistonga 35 ming dollarlik shartnoma asosida chinni buyumlar yetkazib berdi

Surxondaryo viloyati bojxona boshqarmasi tomonidan tizimli ravishda amalga oshirilayotgan “Tadbirkor bilan muloqot” amaliy tadbirlari doirasida bir guruh bojxonachilar “Surxon Termiz chinni” MChJda bo‘lib qaytdi, deb xabar beradi Bojxona qo‘mitasi axborot xizmati.

Korxonamizda har kuni o‘rtacha 18 mingga yaqin chinni buyumlar ishlab chiqarilmoqda. Mahsulotlarimizga nafaqat o‘zimizda, balqi qo‘shni mamlakatlarda ham ehtiyoj bor. Masalan, yaqinda Afg‘onistonga 35 ming AQSh dollari qiymatidagi shartnoma asosida chinni buyumlarni yetkazib berdik. Ayni paytda esa 21 ming AQSh dollari qiymatidagi xuddi shunday shartnomani Tojikiston davlati bilan imzoladik. Faoliyat turini kengaytirish arafasidamiz, ya’ni o‘zimiz ishlab chiqarayotgan chinni mahsulotlarni qadoqlash va ularni o‘rash maqsadida shu kungacha Toshkent shahridan qog‘oz mahsulotini keltirgan bo‘lsak, bundan keyin ularni o‘zimiz ishlab chiqarmoqchimiz.

Rustam Ne’matullayev, korxona rahbari