Сурхондарё вилояти божхона бошқармаси томонидан тизимли равишда амалга оширилаётган «Тадбиркор билан мулоқот» амалий тадбирлари доирасида бир гуруҳ божхоначилар «Сурхон Термиз чинни» МЧЖда бўлиб қайтди, деб хабар беради Божхона қўмитаси ахборот хизмати.
Корхонамизда ҳар куни ўртача 18 мингга яқин чинни буюмлар ишлаб чиқарилмоқда. Маҳсулотларимизга нафақат ўзимизда, балқи қўшни мамлакатларда ҳам эҳтиёж бор. Масалан, яқинда Афғонистонга 35 минг АҚШ доллари қийматидаги шартнома асосида чинни буюмларни етказиб бердик. Айни пайтда эса 21 минг АҚШ доллари қийматидаги худди шундай шартномани Тожикистон давлати билан имзоладик. Фаолият турини кенгайтириш арафасидамиз, яъни ўзимиз ишлаб чиқараётган чинни маҳсулотларни қадоқлаш ва уларни ўраш мақсадида шу кунгача Тошкент шаҳридан қоғоз маҳсулотини келтирган бўлсак, бундан кейин уларни ўзимиз ишлаб чиқармоқчимиз.Рустам Неъматуллаев, корхона раҳбари
Изоҳ (0)