O‘zbekiston Milliy teleradiokompaniyasi, O‘zbekiston matbuot va axborot agentligi, Milliy axborot agentligi va boshqa OAVlarga chiqarilayotgan dasturlarga subtitr yoki surdo-tarjimalar ilova qilish tavsiya etiladi, deb yozadi “Nuz.uz”.
Bunday chora-tadbirlar yangiliklar, ko‘rsatuvlar va filmlarni nogironligi bor shaxslar ko‘rishi uchun yaroqli holatga keltirishga yordam beradi. Bu haqda O‘zbekiston Bosh prokuraturasi tomonidan e’lon qilingan, nogironligi bor shaxslarning davlat tomonidan qo‘llab-quvvatlanish tizimini tubdan takomillashtirish haqidagi Prezident farmoni loyihasida aytiladi.
Shuningdek, loyihaga nogironligi bor shaxslarning yangiliklar va badiiy adabiyotlarni o‘qish imkoniyatini kengaytirish uchun maxsus shriftli nashrlar sonini ko‘paytirish haqidagi tavsiya kiritilgan.