Ўзбекистон Миллий телерадиокомпанияси, Ўзбекистон матбуот ва ахборот агентлиги, Миллий ахборот агентлиги ва бошқа ОАВларга чиқарилаётган дастурларга субтитр ёки сурдо-таржималар илова қилиш тавсия этилади, деб ёзади «Nuz.uz».
Бундай чора-тадбирлар янгиликлар, кўрсатувлар ва фильмларни ногиронлиги бор шахслар кўриши учун яроқли ҳолатга келтиришга ёрдам беради. Бу ҳақда Ўзбекистон Бош прокуратураси томонидан эълон қилинган, ногиронлиги бор шахсларнинг давлат томонидан қўллаб-қувватланиш тизимини тубдан такомиллаштириш ҳақидаги Президент фармони лойиҳасида айтилади.
Шунингдек, лойиҳага ногиронлиги бор шахсларнинг янгиликлар ва бадиий адабиётларни ўқиш имкониятини кенгайтириш учун махсус шрифтли нашрлар сонини кўпайтириш ҳақидаги тавсия киритилган.