O‘zbekiston hukumat delegatsiyasi noyabr oyida Germaniya tashrif buyuradi. Bu haqda O‘zbekiston Tashqi ishlar vazirligi matbuot xizmati ma’lum qildi.
Avvalroq tashqi ishlar vaziri Abdulaziz Komilov Germaniyaning O‘zbekistonga tayinlangan yangi elchisi Gyunter Overfeld bilan uchrashgani haqida xabar berilgan edi.
TIV axborotida qayd etilishicha, uchrashuvda O‘zbekiston hukumat delegatsiyasining noyabr oyida Germaniyaga tashrifi muddati va dasturi muhokama qilingan.
“Shuningdek, turli darajalardagi bo‘lajak boshqa ikki tomonlama aloqalar jadvali yuzasidan fikr almashildi”, — deyiladi vazirlik saytidagi xabarda.
Izoh (0)