Toshkent shahrida noyabr oyida turkiyalik tadbirkorlar ishtirokida O‘zbekiston — Turkiya biznes-forumi tashkil etiladi. Bu haqda bugun, 27-sentabr kuni Xalqaro press klubning navbatdagi sessiyasida O‘zbekiston Savdo-sanoat palatasi raisi Adham Ikromov ma’lum qildi.
Biznes-forumda 95 nafar turkiyalik tadbirkor ishtirok etishi kutilmoqda.
Bundan tashqari, shu kunlarda O‘zbekiston — Rossiya, O‘zbekiston — Tatariston biznes-forumlari tashkil etilgani ham aytib o‘tildi.
“Bularning barchasi kelgusida Davos forumi kabi turli yirik anjumanlarni o‘tkazishdan avvalgi tayyorgarlik jarayoni hisoblanadi. Xususan, 2018-yilning boshida Samarqandda yirik xalqaro biznes-forum o‘tkazish rejalashtirilgan”, — deydi Adham Ikromov.
Izoh (0)