27-sentabrning e’tiborga molik yangiliklari — “Daryo”ning kechki dayjestida.
1. O‘zbekiston AQShga 7 yil davomida 300 mln dollarlik uran yetkazib beradi. AQSh Eksimbanki 13 yillik tanaffusdan so‘ng O‘zbekiston bilan hamkorlikni qayta tikladi. McDonald’s esa O‘zbekiston bozoriga kirish imkoniyatlarini o‘rganmoqda.
2. Jasur Ibrohimov ishi. Javobgar unga ilgari surilgan ayblovga iqror bo‘lmadi. Jasurbekning onasi esa fojia bilan tugagan mushtlashuv haqida gapirdi.
3. O‘FF prezidenti Umid Ahmadjonov O‘zbekiston termasi oldiga JCh—2022 da o‘ynash vazifasini qo‘yadi. Unga Shoakrom Isroilov birinchi yordamchi etib tayinlandi. O‘FF ishchilarining esa 90 foizi o‘zgaradi.
4. MB raisi o‘rinbosari Shuhrat Atabayev: Bank xodimlarini paxta terimiga chiqaringlar, degan topshiriq yo‘q. Avvalroq banklarining hududiy filiallaridagi har bir xodim 5 nafardan terimchini paxtaga jalb qilishi haqidagi Shuhrat Atabayev imzosi bilan yuborilgan xatning surati ijtimoiy tarmoqlarda tarqalgan edi.
5. Akademik litseylarda o‘qish muddati ikki yil etib belgilanadi. To‘rtta pedagogika instituti esa Oliy va o‘rta maxsus ta’lim vazirligi tasarrufiga berildi.
Izoh (0)