Шотландиялик Марк Бомонт велосипедда дунё бўйлаб 79 кунлик саёҳатни якунига етказди ва янги жаҳон рекордини ўрнатди. У 29 минг километрни босиб ўтди ва 16 та мамлакатда бўлди. Бу ҳақда «Корреспондент.net» хабар берди.
Хабар қилинишича, у Париждан 2 июлда йўлга чиқди ва 18 сентябрда қайтиб келди. Бомонт ҳар куни ўртача 16 соат ҳаракатланиб, 370 километр босиб ўтган.
Уйқу учун кунига беш соат сарфлаган ва шу тариқа аввалги рекордчидан 44 кунга олдинлаб кетган.
Сафар якунида шотландиялик велосипедчи бу саёҳат унинг учун ҳам жисмоний, ҳам ақлий жиҳатдан синов бўлганини тан олди.
Дунё бўйлаб саёҳат давомида велосипедчининг ҳолатини тажрибали жамоа кузатиб борган, хусусан, диэтолог, механик ва физиотерапевт.
Изоҳ (0)