Англиянинг Нортгемптон графлигида яшовчи Жек Пейж дунёдаги энг омадсиз саёҳатчи бўлиши мумкин. Daily Mail’нинг ёзишича, 29 ёшли мутахассиснинг ишдан ташқари ҳар қандай сафари фалокатга айланади.
Сўнгги 10 йил давомида Пейж саёҳат учун экзотик йўналишларни танлайди, бироқ ҳамма жойда уни омадсизлик таъқиб қилади. Масалан, Бирмага сафари вақтида у ўтирган поезд рельсдан чиқиб кетган ва Пейж ўша жойда 36 соат қолиб кетган. Борнеодаги ҳеч ким яшамайдиган ороллардан бирида унинг ҳамма озиқ-овқатини оч қолган калтакесаклар еб қўйган.
Ҳиндистонда унга сигир ҳужум қилган, Эверестга кўтарилиш чоғида эса овқат ҳазм қилиш тизимининг паразит инфекцияси бўлган лямблиоз касаллигига чалинган.
Чернобильга 2015 йилда қилган сафари вақтида Жек норозилик намойишига дуч келган ва уни фотоаппаратидаги барча суратларни ўчириб ташлашга мажбур қилишган.
Изоҳ (0)