“O‘zekspomarkaz”da 15−17 sentabr kunlari Qozog‘iston mahsulotlari ko‘rgazmasi bo‘lib o‘tadi. Bu haqda “Gazeta.uz” xabar bermoqda.
Ko‘rgazmada avtomobillar, harbiy texnika, metallurgiya, farmatsevtikaga oid va Qozog‘istonda ishlab chiqarilgan boshqa mahsulotlar namoyish etiladi.
16-sentabr kuni shu yerning o‘zida ikki mamlakat tadbirkorlari ishtirokida o‘zbek-qozoq biznes-forumi o‘tkaziladi.
Davlat investitsiyalar qo‘mitasi matbuot xizmatiga ko‘ra, tadbirga kirish bepul bo‘lib, qiziqish bildirgan barcha kompaniyalar hamda xususiy shaxslar ko‘rgazmada ishtirok etishga taklif qilinadi.
Izoh (0)