Myanma umummusulmon islom diniy tashkiloti (UIDT) Rakxayn shtati hududidagi ekstremistik hujumlarni qoraladi va “tinchlik hamda barqarorlik uchun rasmiylar bilan hamkorlik”ka chaqirdi. Myanma axborot siyosati qo‘mitasi 11-sentabr, dushanba kuni tashkilotning mazkur bayonotini tarqatdi, deya xabar beradi “TASS”.
Mamlakatdagi 4 ta yirik diniy tashkilotni birlashtiruvchi UIDT mahalliy musulmonlarni “onlayn-fitnalarni tarqatmaslik va ularga hissiyotga berilib munosabat bildirmaslik”ka chaqirdi.
Terrorizmga qarshi ekanligi va uning tarqatilishini qabul qilmasligini bildirgan tashkilot “Arakan roxinjalarni qutqarish armiyasi” harakatlarini qoraladi.
Ma’lumot uchun, Myanma g‘arbida zo‘ravonliklar avj olgani sababli bugungi kungacha 414 kishi halok bo‘ldi, 300 mingdan ortiq roxinja Bangladeshga qochib o‘tdi.
Izoh (0)