Мьянма умуммусулмон ислом диний ташкилоти (УИДТ) Ракхайн штати ҳудудидаги экстремистик ҳужумларни қоралади ва «тинчлик ҳамда барқарорлик учун расмийлар билан ҳамкорлик»ка чақирди. Мьянма ахборот сиёсати қўмитаси 11 сентябрь, душанба куни ташкилотнинг мазкур баёнотини тарқатди, дея хабар беради «ТАСС».
Мамлакатдаги 4 та йирик диний ташкилотни бирлаштирувчи УИДТ маҳаллий мусулмонларни «онлайн-фитналарни тарқатмаслик ва уларга ҳиссиётга берилиб муносабат билдирмаслик»ка чақирди.
Терроризмга қарши эканлиги ва унинг тарқатилишини қабул қилмаслигини билдирган ташкилот «Аракан рохинжаларни қутқариш армияси» ҳаракатларини қоралади.
Маълумот учун, Мьянма ғарбида зўравонликлар авж олгани сабабли бугунги кунгача 414 киши ҳалок бўлди, 300 мингдан ортиқ рохинжа Бангладешга қочиб ўтди.
Изоҳ (0)