KXDR raketalar uchirilishi va yadroviy sinovlar uchun beqarorlik hamda iqtisodiy qiyinchiliklar bilan tovon to‘lashiga to‘g‘ri keladi. Bu haqda Janubiy Koreya tashqi ishlar vaziri Kan Gyon Xva ma’lum qildi, deya xabar beradi “TASS”.
“Shimoliy Koreya telbalarcha yo‘lni tanladi. Xalqaro hamjamiyat irodasini inkor qilib davom ettirayotgan fitnalarining bahosi beqarorlik va iqtisodiy muammolar bo‘ladi”, — dedi vazir.
TIV rahbari KXDRga neft yetkazib berish masalasi BMT Xavfsizlik kengashining yangi rezolyutsiyasiga kiritilishi zarurligini ta’kidladi. Shu bilan birga, Seul Koreya yarim orolidagi inqirozni tinch yo‘l bilan hal etish tarafdori ekanligini eslatib o‘tdi.
Izoh (0)