Bugun — 31-avgust kuni JCh—2018 saralashi doirasida Xitoy va O‘zbekiston terma jamoalari o‘zaro maydonga tushadi. Uchrashuv Toshkent vaqti bilan 17:00 da start oladi.
O‘yin arafasida “Championat.asia” nashri bunga qadar bo‘lib o‘tgan tomonlarning o‘zaro uchrashuvlariga e’tibor qaratdi. Bu boradagi statistika O‘zbekiston foydasiga ekanini ko‘rish mumkin. Quyida ular yodga olib o‘tiladi.
O‘zaro o‘yinlar: 11O‘zbekiston g‘alabasi: 6Xitoy g‘alabasi: 4Durang: 1To‘plar nisbati: 18:13 (O‘zbekiston foydasiga)
1994. Xitoy — O‘zbekiston 2:4
Xitoy va O‘zbekiston o‘rtasidagi dastlabki o‘yin 1994-yil o‘tgan. Yaponiyaning Xirosima shahrida o‘tkazilgan Osiyo o‘yinlarining finalida Rustam Akramov boshchiligidagi O‘zbekiston 4:2 hisobida g‘alaba qozongan. O‘zbekistonliklardan Igor Shkvirin, Sergey Lebedev, Azamat Abduraimov hamda Shuhrat Maqsudov gol urgan.1996. Xitoy — O‘zbekiston 0:2
2 yildan so‘ng BAAda tomonlar yana to‘qnash kelgan. Osiyo Kubogining guruh bosqichida o‘tgan o‘yinda O‘zbekiston raqibini 2:0 hisobida taslim qilgan. Al-Ayn shahrida o‘tgan uchrashuvda Igor Shkvirin va Oleg Shatskix o‘z hisobiga gol yozib qo‘ygan.2001. Xitoy — O‘zbekiston 2:0
JCh—2002 saralash bosqichiga kelibgina xitoyliklar O‘zbekiston termasini ilk bor mag‘lub etgan. Bora Milutinovich murabbiylik qilgan jamoa Vladimir Salkov boshqaruvidagi o‘zbekistonliklar darvozasiga javobsiz 2 ta gol urgan. Ularga Li Veyfeng va Fan Jiyi mualliflik qilgan.2001. O‘zbekiston — Xitoy 1:0
Tomonlarning Toshkentda o‘tgan javob o‘yiniga Xitoy 2-tarkib bilan keldi. Chunki Milutinovich JCh chiptasini qo‘lga kiritib bo‘lgandi. Nikolay Shirshovning so‘nggi daqiqadagi goli “Paxtakor” stadionini larzaga keltirgan bo‘lsa-da, parallel o‘yindagi natija sabab O‘zbekiston baribir JChdan chetda qoldi.2007. Xitoy — O‘zbekiston 3:1
Makoada 2007-yil Xitoy va O‘zbekiston ilk bor o‘rtoqlik o‘yinida maydonga tushdi. Rauf Inileyev jamoasi o‘sha uchrashuvni 1:3 hisobida boy berib qo‘ydi. O‘zbekiston safida Vladimir Shishelov gol urdi.2007. Xitoy — O‘zbekiston 0:3
Osiyo Kubogining guruh bosqichida ham Inileyev jamoasi xitoyliklar bilan to‘qnash kelib qoldi. Unda Chin o‘lkasi termasini durang ham keyingi bosqichga olib chiqardi. Ammo bunda O‘zbekiston raqibiga hech qanday imkoniyat qoldirmadi va Maksim Shatskix, Timur Kapadze hamda Aleksandr Geynrixning gollari bilan yirik g‘alabaga erishdi. Bu O‘zbekiston termasining Xitoy ustidan qozongan eng yirik g‘alabasi bo‘ladi.2011. Xitoy — O‘zbekiston 2:2
To‘rt yildan so‘ng tomonlar Osiyo Kubogining guruh bosqichida yana duch keldi. Vadim Abramov shogirdlari unda jangovor durang natijaga imzo chekdi va guruhni peshqadam sifatida yakunladi. Shu kuni gollarga Odil Ahmedov va Aleksandr Geynrix mualliflik qildi.2011. Xitoy — O‘zbekiston 1:0
Kunming shahridagi navbatdagi o‘rtoqlik o‘yini mezbonlarning g‘alabasi bilan yakuniga yetdi.2013. Xitoy — O‘zbekiston 1:2
Mirjalol Qosimov Xitoy termasini safarda mag‘lub etgan yagona o‘zbekistonlik murabbiy bo‘lib turibdi. JCh—2014 saralashida O‘zbekiston Seulda alamli mag‘lubiyat qabul qilib olgani ko‘pchilikning yodida. O‘sha uchrashuvga tayyorgarlik sifatida Qosimov Xuxxotga yetib borib, Xitoyni mag‘lub etgandi. Keyinroq ob-havo bilan bog‘liq muammo sabab futbolchilar aeroportda keragidan ko‘p qolib ketdi, yakunda Janubiy Koreyaga Rossiya orqali uchishga majbur bo‘lindi va aytilganidek, Seuldagi mag‘lubiyat.2015. Xitoy — O‘zbekiston 2:1
Avstraliyada o‘tgan Osiyo Kubogida Qosimov jamoasi Xitoyga imkoniyatni boy berdi — 1:2. Ketma-ket uchinchi bor Chin o‘lkasi guruh bosqichida O‘zbekiston bilan to‘qnash kelayotgandi. Bungacha Inileyev zafar quchgan, Abramov durang o‘ynagan bo‘lsa, endi g‘olib chiqish navbati Xitoyga yetib kelgandi.2016. O‘zbekiston — Xitoy 2:0
Samvel Babayan ham Xitoyni mag‘lub eta olgan murabbiylar sirasiga kiradi. JCh—2018 saralashida Toshkentda Xitoy 2:0 hisobida taslim qilingan, o‘sha uchrashuvdan keyin xitoyliklar bosh murabbiyni iste’foga chiqarib, uning o‘rniga Marchello Lippini olib kelgandi. Mana endi Babayan Lippi qarshisida turibdi.
Izoh (0)