Бугун — 31 август куни ЖЧ—2018 саралаши доирасида Хитой ва Ўзбекистон терма жамоалари ўзаро майдонга тушади. Учрашув Тошкент вақти билан 17:00 да старт олади.
Ўйин арафасида «Championat.asia» нашри бунга қадар бўлиб ўтган томонларнинг ўзаро учрашувларига эътибор қаратди. Бу борадаги статистика Ўзбекистон фойдасига эканини кўриш мумкин. Қуйида улар ёдга олиб ўтилади.
Ўзаро ўйинлар: 11Ўзбекистон ғалабаси: 6Хитой ғалабаси: 4Дуранг: 1Тўплар нисбати: 18:13 (Ўзбекистон фойдасига)
1994. Хитой — Ўзбекистон 2:4
Хитой ва Ўзбекистон ўртасидаги дастлабки ўйин 1994 йил ўтган. Япониянинг Хиросима шаҳрида ўтказилган Осиё ўйинларининг финалида Рустам Акрамов бошчилигидаги Ўзбекистон 4:2 ҳисобида ғалаба қозонган. Ўзбекистонликлардан Игорь Шквирин, Сергей Лебедев, Азамат Абдураимов ҳамда Шуҳрат Мақсудов гол урган.1996. Хитой — Ўзбекистон 0:2
2 йилдан сўнг БААда томонлар яна тўқнаш келган. Осиё Кубогининг гуруҳ босқичида ўтган ўйинда Ўзбекистон рақибини 2:0 ҳисобида таслим қилган. Ал-Айн шаҳрида ўтган учрашувда Игорь Шквирин ва Олег Шацких ўз ҳисобига гол ёзиб қўйган.2001. Хитой — Ўзбекистон 2:0
ЖЧ—2002 саралаш босқичига келибгина хитойликлар Ўзбекистон термасини илк бор мағлуб этган. Бора Милутинович мураббийлик қилган жамоа Владимир Сальков бошқарувидаги ўзбекистонликлар дарвозасига жавобсиз 2 та гол урган. Уларга Ли Вейфенг ва Фан Жийи муаллифлик қилган.2001. Ўзбекистон — Хитой 1:0
Томонларнинг Тошкентда ўтган жавоб ўйинига Хитой 2-таркиб билан келди. Чунки Милутинович ЖЧ чиптасини қўлга киритиб бўлганди. Николай Ширшовнинг сўнгги дақиқадаги голи «Пахтакор» стадионини ларзага келтирган бўлса-да, параллел ўйиндаги натижа сабаб Ўзбекистон барибир ЖЧдан четда қолди.2007. Хитой — Ўзбекистон 3:1
Макоада 2007 йил Хитой ва Ўзбекистон илк бор ўртоқлик ўйинида майдонга тушди. Рауф Инилеев жамоаси ўша учрашувни 1:3 ҳисобида бой бериб қўйди. Ўзбекистон сафида Владимир Шишелов гол урди.2007. Хитой — Ўзбекистон 0:3
Осиё Кубогининг гуруҳ босқичида ҳам Инилеев жамоаси хитойликлар билан тўқнаш келиб қолди. Унда Чин ўлкаси термасини дуранг ҳам кейинги босқичга олиб чиқарди. Аммо бунда Ўзбекистон рақибига ҳеч қандай имконият қолдирмади ва Максим Шацких, Тимур Кападзе ҳамда Александр Гейнрихнинг голлари билан йирик ғалабага эришди. Бу Ўзбекистон термасининг Хитой устидан қозонган энг йирик ғалабаси бўлади.2011. Хитой — Ўзбекистон 2:2
Тўрт йилдан сўнг томонлар Осиё Кубогининг гуруҳ босқичида яна дуч келди. Вадим Абрамов шогирдлари унда жанговор дуранг натижага имзо чекди ва гуруҳни пешқадам сифатида якунлади. Шу куни голларга Одил Аҳмедов ва Александр Гейнрих муаллифлик қилди.2011. Хитой — Ўзбекистон 1:0
Кунминг шаҳридаги навбатдаги ўртоқлик ўйини мезбонларнинг ғалабаси билан якунига етди.2013. Хитой — Ўзбекистон 1:2
Миржалол Қосимов Хитой термасини сафарда мағлуб этган ягона ўзбекистонлик мураббий бўлиб турибди. ЖЧ—2014 саралашида Ўзбекистон Сеулда аламли мағлубият қабул қилиб олгани кўпчиликнинг ёдида. Ўша учрашувга тайёргарлик сифатида Қосимов Хуххотга етиб бориб, Хитойни мағлуб этганди. Кейинроқ об-ҳаво билан боғлиқ муаммо сабаб футболчилар аэропортда керагидан кўп қолиб кетди, якунда Жанубий Кореяга Россия орқали учишга мажбур бўлинди ва айтилганидек, Сеулдаги мағлубият.2015. Хитой — Ўзбекистон 2:1
Австралияда ўтган Осиё Кубогида Қосимов жамоаси Хитойга имкониятни бой берди — 1:2. Кетма-кет учинчи бор Чин ўлкаси гуруҳ босқичида Ўзбекистон билан тўқнаш келаётганди. Бунгача Инилеев зафар қучган, Абрамов дуранг ўйнаган бўлса, энди ғолиб чиқиш навбати Хитойга етиб келганди.2016. Ўзбекистон — Хитой 2:0
Самвел Бабаян ҳам Хитойни мағлуб эта олган мураббийлар сирасига киради. ЖЧ—2018 саралашида Тошкентда Хитой 2:0 ҳисобида таслим қилинган, ўша учрашувдан кейин хитойликлар бош мураббийни истеъфога чиқариб, унинг ўрнига Марчелло Липпини олиб келганди. Мана энди Бабаян Липпи қаршисида турибди.
Изоҳ (0)