BMTning irqiy tahqirlashlarni bartaraf etish bo‘yicha Qo‘mitasi a’zolari Tojikistonni Oila kodeksidagi xorijlik va fuqaroligi bo‘lmagan shaxslarning tojikistonlik ayollar bilan turmush qurishini cheklash haqidagi tuzatishni bekor qilishga chaqirdi. Bu haqda BMT yangiliklar markazi xabar berdi.
BMT Dushanbening cheklov Tojikiston fuqarolarini odam savdosi bilan shug‘ullanuvchilardan himoya qilish uchun kiritilgani haqidagi axborotni ma’lumot uchun qabul qildi. Shu bilan birga Qo‘mita “himoya choralari hech qachon asosiy huquq va erkinliklar, shu jumladan, nikoh qurish va turmush o‘rtog‘ini tanlash huquqini buzmasligi kerak”ligini ta’kidladi.
Tashkilot tomonidan Tojikiston hukumatining milliy kamchilik tillari uchun darslik tayyorlashni kuchaytirgani ta’kidlangani bilan birga, o‘zbek, rus, qirg‘iz va turkman tillarida ta’lim olish sohasida cheklovlar bo‘yicha xavotir ham bildirilgan.
Tojikiston Oila kodeksiga tojik ayollarining turmush qurishi bilan bog‘liq cheklov haqidagi tuzatish 2011-yilda kiritilgan. Bu qoidaga ko‘ra, xorijlik va fuqaroligi bo‘lmagan shaxslar tojikistonlik ayolga uylanishdan oldin bir yil davomida mamlakat hududida yashashi, nikoh shartnomasi tuzishi va rafiqasi hamda bolalarini yashash joyi bilan ta’minlash majburiyatini qabul qilishi kerak bo‘lgan.
Izoh (0)