Germaniyaga borib ishlaydigan boshqa mamlakat vakillari 2016-yilda o‘z vatanlariga rekord miqdorda mablag‘ yuborgan. Bu haqda Bundesbank ma’lumotlariga asoslanib Wirtschaftswoche ma’lum qildi, deb xabar berdi “Korrespondent.net”.
2016-yilda migrantlar 4,2 milliard yevro miqdorida pul o‘tkazmalarini amalga oshirgan bo‘lib, bu Germaniya birlashganidan beri mutloq rekord hisoblanadi va 2015-yilgi ko‘rsatgichlardan 700 million yevroga ko‘p demakdir.
Nashrning ta’kidlashicha, Sharqiy Yevropaga o‘tkazilayotgan mablag‘lar muntazam oshib bormoqda. Suriyaga jo‘natilgan pullar ham ortgan: 2015-yilda 18 million yevro jo‘natilgan bo‘lsa, 2016-yilda bu ko‘rsatgich 67 millionni tashkil etgan.
Biroq mutloq rekord Turkiyaga tegishli: Germaniyada ishlaydigan Turkiya fuqarolari yiliga 800 million yevroga yaqin mablag‘ni vatanlariga jo‘natadi.
Izoh (0)