Suriya armiyasi va “Hizbulloh” harakati Suriyaning Livan bilan chegaradagi g‘arbiy Kalamun tog‘li hududini IShID jangarilaridan ozod qildi. Bu haqda “RIA Novosti” xabar bermoqda.
“Shayx Ali — Ar-Rumiyat chegara o‘tish joyidan Abu-Kamol shahri tomonga oxirgi avtobus jo‘natilganidan so‘ng Suriya armiyasi va jangchilarimiz IShID jangarilaridan g‘arbiy Kalamunni to‘liq ozod qildi”, — hikoya qildi agentlikning “Hizbulloh” harakatiga yaqin manbasi.
Chegaradosh hududlardan terrorchilarni chiqarib yuborish yakunlanganidan so‘ng Livan IShIDdan butkul ozod bo‘ldi. Shu bilan birga, mamlakat maxsus xizmatlari butun Livan bo‘ylab jangarilarning yashirin guruhlarini aniqlash va yo‘q qilish bo‘yicha tezkor tadbirlarni o‘tkazishda davom etmoqda.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)