Ikki yil avval Mayami va Bagam o‘rtasida butilkaga solib dengizga otilgan yozuv Fransiyaning Normandiya viloyati qirg‘oqlaridan topildi. Bu haqda France Info portaliga tayanib, “RIA Novosti” xabar berdi.
Yozuvning jo‘natuvchisi floridalik Sammer ismli qiz bo‘lgan. U butilkani dengizga tashlaganda yetti yoshda bo‘lgan.
Portalning Sammerning “Men uni biror joyga suzib borishi mumkin, deb o‘ylamagandim”, degan so‘zlarini keltirgan. Qizchaning ota-onasi hodisadan hayratga tushgan.
Butilkani Fransiyaning shimoli-g‘arbidagi Mansh departamentida dam olayotgan ayol topib olgan.
Butilkadagi yozuvda “Agar siz bu yozuvni olsangiz, bilingki, mening ismim Sammer, familiyam esa Smit va men Sent-Tomas maktabining ikkinchi sinfida o‘qiyman”, — deb yozilgan. Qizcha onasining telefon raqami va elektron pochta manzilini ham yozgan.
Butilkada Sammerning enagasi tomonidan yozilgan yozuv ham bo‘lgan. Butilkani topib olgan odamlar dastlab enaga bilan bog‘langan.
Butilka topib olingan dam olish maskani egalari o‘zining Facebook’dagi sahifasida Sammerning ota-onasini keyingi yozda maskandagi uylarning birida bir hafta mehmon bo‘lishga taklif qilgan.
Izoh (0)