Францияда икки йил аввал Майамидан оқизиб юборилган ёзувли бутилка топилди

Икки йил аввал Майами ва Багам ўртасида бутилкага солиб денгизга отилган ёзув Франциянинг Normaндия вилояти қирғоқларидан топилди. Бу ҳақда France Info порталига таяниб, «РИА Новости» хабар берди.

Ёзувнинг жўнатувчиси флоридалик Саммер исмли қиз бўлган. У бутилкани денгизга ташлаганда етти ёшда бўлган.

Порталнинг Саммернинг «Мен уни бирор жойга сузиб бориши мумкин, деб ўйламагандим», деган сўзларини келтирган. Қизчанинг ота-онаси ҳодисадан ҳайратга тушган.

Бутилкани Франциянинг шимоли-ғарбидаги Манш департаментида дам олаётган аёл топиб олган.

Бутилкадаги ёзувда «Агар сиз бу ёзувни олсангиз, билингки, менинг исмим Саммер, фамилиям эса Смит ва мен Сент-Томас мактабининг иккинчи синфида ўқийман», — деб ёзилган. Қизча онасининг телефон рақами ва электрон почта манзилини ҳам ёзган.

Бутилкада Саммернинг энагаси томонидан ёзилган ёзув ҳам бўлган. Бутилкани топиб олган одамлар дастлаб энага билан боғланган.

Бутилка топиб олинган дам олиш маскани эгалари ўзининг Facebook’даги саҳифасида Саммернинг ота-онасини кейинги ёзда маскандаги уйларнинг бирида бир ҳафта меҳмон бўлишга таклиф қилган.