Aktyor Leonardo Di Kaprio Renessans davri dahosining biografiyasi ekranizatsiyasida rassom va ixtirochi olim Leonardo da Vinchi rolini o‘ynaydi, deb yozadi Deadline Hollywood portali.
Bundan tashqari, Di Kaprio yozuvchi Uolter Ayzeksonning 2017-yil oktabrda sotuvga chiqadigan kitobi bo‘yicha suratga olinadigan filmning prodyuserlaridan biriga aylanadi.
Filmni suratga olish ishlari qachon boshlanishi hozircha noma’lum. Kitobni ekranlashtirish huquqi uchun Paramount va Universal yirik kinostudiyalari kurash olib bordi.
Leonardo Di Kaprioning rasmiy biografiyasiga ko‘ra, aktyorning ismi aynan da Vinchi sharafiga qo‘yilgan.
Izoh (0)