“Paxtakor” futbol klubi 10-avgust kuni avstraliyalik yarim himoyachi Rostin Griffits bilan 2018-yil oxirigacha shartnoma imzoladi. Shu kuni jamoa rahbariyati va futbolchi ishtirokida matbuot anjumani bo‘lib o‘tdi.
Klub bosh direktori Dmitriy Adismanning so‘zlariga ko‘ra, “‘Paxtakor’ musobaqa jadvalining yuqorisida bo‘lishni istaydi”, shu bois Angliya, Gollandiya va Avstraliyaning taniqli klublarida o‘ynagan futbolchi tarkibga qo‘shib olingan.
Jamoa bosh murabbiyi, gruziyalik Shota Arveladze ham tarkibga qo‘shilgan, o‘yinda ko‘proq himoyaga yordam beradigan yangi futbolchi haqida iliq fikrlarni bildirib o‘tdi.Griffits juda tajribali futbolchi. U bizning ikkinchi davra oldidan oxirgi transferimizga aylandi. Biz hujumkor o‘yin ko‘rsatishga intilamiz. Lekin zamonaviy futbolda himoyani ham esdan chiqarmaslik zarur.Rostin Griffitsning o‘zi “Paxtakor”ga o‘tishini ortga tashlangan qadam deya olmasligini aytib o‘tdi.Klubda barcha — prezidentdan tortib xodimlargacha superklub tuzish uchun intilyapmiz. Klub tanlagan yo‘l o‘zgarmaydi.
Shota Arveladze, “Paxtakor” bosh murabbiyi
Avval tez-tez jamoalarni almashtirganman. Hamisha o‘sishga intilganman. Shu sababli kuchliroq jamoaga o‘tish imkoni bo‘lganda, bundan foydalanganman.Xabar berishlaricha, “Paxtakor”ning yangi futbolchisi 80-raqam ostida o‘ynaydi. Uning jamoadagi debyuti 12-avgust kuni, Oliy Liga 17-turi doirasida “Neftchi”ga qarshi o‘yinda bo‘lib o‘tishi mumkin.“Paxtakor”ni tanlashimga sabab — klubning yaxshi loyihaga ega ekani. Qolaversa, Shota Arveladze bilan gaplashdim va u meni jamoada ko‘rmoqchi ekanini ta’kidladi, klub haqida aytib berdi. Shu bois O‘zbekistonga keldim.
Xitoydagi faoliyatim davomida o‘zbekistonlik futbolchilariga qarshi bir necha bor o‘ynaganman. Ular jismonan va texnik tarafdan iliq taassurot qoldirgan.
Rostin Griffits, “Paxtakor” yarim himoyachisi
Mavzuga doir: O‘zbekiston klublaridan biri “Blekbern” tarbiyalanuvchisi bilan shartnoma tuzish arafasida turibdi
Izoh (0)