Volkswagen konserni tarkibiga kiruvchi Audi kompaniyasi elektromobillar yaratish va ishlab chiqarish uchun xarajatlarni 12 milliard dollarga kamaytirish niyatida. Bu haqda TJournal xabar bermoqda.
Reuters manbalariga ko‘ra, kompaniya Porsche ishlab chiqarish platformasida joriy etiladigan, tashlanmalar darajasi nolga teng bo‘lgan texnologiyalarga investitsiyalar kiritishni rejalashtirmoqda.
Buning uchun Audi yillik operatsion foyda rentabelligini 8 foiz darajasida saqlab qolishni rejalashtirmoqda. Shuningdek, ishlab chiqarishda komponentlar va texnologik modullardan hamkorlikda foydalanish hisobiga iqtisod qilinishi mumkin.
Agentlikning ta’kidlashicha, mazkur qaror “dizelli mojaro” — Volkswagen avtomobillarida atmosferaga tashlanmalarning real ko‘lamini pasaytiradigan tizim aniqlanishi bilan bog‘liq. Shu sababli Audi qayta jihozlash uchun 850 mingga yaqin mashinani qaytarib olishga majbur bo‘lgandi.
Izoh (0)