Neapoldan 15 kilometr narida dunyoning eng mashhur harakatdagi vulqonlaridan biri — 1281 metrli Vezuviy vulqoni joylashgan. U oxirgi marta 1994-yilda otilgan. 79-yilning 24-avgustida Pompey, Gerkulanum, Oplontis shaharlarini yo‘q qilib yuborgan otilishi esa tarixdagi eng mashhuri hisoblanadi, deb xabar berdi National Geographic.
1995-yilda vulqon atrofida Vezuviy milliy bog‘i ochilgan. Bu yerdagi 135 kvadrat kilometr maydonda 227 turdagi hayvonlar, qushlarning 100 ta turi istiqomat qiladi va o‘zimliklarning 600 dan ortiq turi o‘sadi. 10-iyul kuni bog‘ olov changalida qoldi va bir necha kun ichida hududning katta qismi yonib ketdi.
NASA’ning Suomi NPP sun’iy yo‘ldoshi yordamida olingan suratlar ofatning asoratlari boshqa tomonga o‘zgarganini ko‘rsatmoqda. Sun’iy yo‘ldoshga skaner qiluvchi radiometr o‘rnatilgan bo‘lib, u yashildan infraqizil diapazongacha bo‘lgan to‘lqin uzunliklarini payqash imkoniyatiga ega. VIIRS ilmiy qurilmasi shaharlardagi olovlarni, qutblar yog‘dusini, o‘rmon yong‘inlarini va oy nurining aksini filtratsiya qilishda ishlatiladi.
O‘rmonlar yo‘qolgach tungi vulqon yaqin atrofidagi shahardan (bir millionga odam yaqin yashaydigan) ham yorqinroq porlamoqda.
Vezuviy atrofidagi olov o‘chirilgan bo‘lishiga qaramay, huddudda yong‘in xavfsizligi holati saqlanib turibdi. Neapolda bir nechta oilaning uyi yonib ketganligi sabab ularni evakuatsiya qilishga to‘g‘ri keldi. Mahalliy hukumatning so‘zlariga qaraganda yong‘inga olov bilan ehtiyotsiz muomala qilish sabab bo‘lgan.
Izoh (0)