Неаполдан 15 километр нарида дунёнинг энг машҳур ҳаракатдаги вулқонларидан бири — 1281 метрли Везувий вулқони жойлашган. У охирги марта 1994 йилда отилган. 79 йилнинг 24 августида Помпей, Геркуланум, Оплонтис шаҳарларини йўқ қилиб юборган отилиши эса тарихдаги энг машҳури ҳисобланади, деб хабар берди National Geographic.
1995 йилда вулқон атрофида Везувий миллий боғи очилган. Бу ердаги 135 квадрат километр майдонда 227 турдаги ҳайвонлар, қушларнинг 100 та тури истиқомат қилади ва ўзимликларнинг 600 дан ортиқ тури ўсади. 10 июль куни боғ олов чангалида қолди ва бир неча кун ичида ҳудуднинг катта қисми ёниб кетди.
NASA’нинг Суоми НПП сунъий йўлдоши ёрдамида олинган суратлар офатнинг асоратлари бошқа томонга ўзгарганини кўрсатмоқда. Сунъий йўлдошга сканер қилувчи радиометр ўрнатилган бўлиб, у яшилдан инфрақизил диапазонгача бўлган тўлқин узунликларини пайқаш имкониятига эга. VIIRS илмий қурилмаси шаҳарлардаги оловларни, қутблар ёғдусини, ўрмон ёнғинларини ва ой нурининг аксини фильтрация қилишда ишлатилади.
Ўрмонлар йўқолгач тунги вулқон яқин атрофидаги шаҳардан (бир миллионга одам яқин яшайдиган) ҳам ёрқинроқ порламоқда.
Везувий атрофидаги олов ўчирилган бўлишига қарамай, ҳуддудда ёнғин хавфсизлиги ҳолати сақланиб турибди. Неаполда бир нечта оиланинг уйи ёниб кетганлиги сабаб уларни эвакуация қилишга тўғри келди. Маҳаллий ҳукуматнинг сўзларига қараганда ёнғинга олов билан эҳтиётсиз муомала қилиш сабаб бўлган.
Изоҳ (0)