AQSh razvedkasi Suriya tuzumi Xon-Shayxunda 4-aprel kuni qimyoviy qurol qo‘llagani yuzasidan “salmoqli dalillar”ga ega. Bu haqda Markaziy razvedka boshqarmasi direktori Mark Pompeo ma’lum qildi, deya xabar beradi “RIA Novosti”.
Uning aytishicha, Suriyadagi aprel voqealaridan so‘ng prezident Tramp yuz bergan holatga aniqlik kiritish bo‘yicha buyruq bergan. Razvedka haqiqatda nima ro‘y berganiga oydinlik kiritishni boshlagan. Jumladan, AQSh sheriklari bilan o‘zaro axborot almashilgan.
“Men prezidentga razvedka hamjamiyati kimyoviy hujum Suriya tuzumi tomonidan amalga oshirilganini aniqlagani va buning salmoqli dalilar borligini aytdim. Bizning bunga mutlaqo ishonchimiz komil ekanligini bildirdim”, — dedi MRB direktori.
Izoh (0)