Amerikalik yozuvchi Stiven King AQSh prezidenti Donald Trampni soxta (“feyk”) prezident deb atadi. Bu haqda “Gazeta.ru” xabar bermoqda.
“Yangiliklar haqiqiy. Prezident soxta”, — deb yozdi yozuvchi Twitter’dagi sahifasida.
BuzzFeed’ning yozishicha, Kingning bu bayonotiga turlicha munosabat bildirilgan. Ba’zilar King prezident o‘z ishini qilayotgani va shuning uchun saylanganini yodidan chiqarib qo‘yganini ta’kidlagan bo‘lsa, boshqalar Kingning asarlarini soxta deb atadi.
Yozuvchining muxlislari esa uni himoya qilib chiqdi. Bundan tashqari, bir guruh foydalanuvchilar Tramp haqida boshqa hazil gaplarni o‘ylab topishga kirishgan. Oq uy hozircha mazkur holatga munosabat bildirganicha yo‘q.
Avvalroq Tramp Twitter’da Stiven Kingni qora ro‘yxatga qo‘shib qo‘ygani ma’lum bo‘lgan edi.
Izoh (0)