Gamburg transport uyushmasi shaharda G20 sammiti o‘tkazilgan kunlari yuz bergan tartibsizliklarda avtomobili yonib ketgan yoki shikastlangan fuqarolarga oylik yo‘l chiptalari taqdim etishga qaror qildi. Bu haqda “RIA Novosti” xabar bermoqda.
Handelsblatt nashriga ko‘ra, oylik yo‘l chiptalari shahar va uning yaqinidagi jamoat transporti, ekspress-avtobuslar va mahalliy poyezdlardagi qatnovlarni o‘z ichiga oladi.
Bepul chiptalarni olish uchun fuqaro Gamburg transport uyushmasiga talabnoma berishi va yonib ketgan avtomobil egasi ekanligi, yuz bergan holat haqida rasmiylarga ma’lum qilganligini isbotlashi zarur.
10-iyul, dushanba kunining o‘zida uyushmaga chipta olish uchun 5 kishi murojaat qildi.
Izoh (0)