Qozog‘iston prezidenti Nursulton Nazarboyev qonunchilik aktlariga terrorizm uchun mamlakat fuqaroligidan mahrum etishni nazarda tutuvchi tuzatishlarni kiritish haqidagi qonunni imzoladi. Bu haqda davlat rahbarining matbuot xizmati ma’lum qildi, deya xabar beradi “RBK”.
Tuzatishlar mamlakatning 46 qonuni va 7 kodeksga tegishli. Shuningdek, fuqarolikdan mahrum etish jinoiy jazoning qo‘shimcha turi sifatida Qozog‘iston Jinoyat Kodeksining 21-moddasidan o‘rin oldi.
Endi Qozog‘istonda “terrorizm akti, terrorchi guruh tuzish va rahbarlik qilish, uning faoliyatida ishtirok etganlik” uchun mamlakat fuqaroligidan mahrum etiladi.
Matbuot xizmatiga ko‘ra, fuqarolikdan mahrum etish jazosi sud tomonidan “favqulodda holatlarda”, ish tafsilotlari, jinoyat va uning og‘irlik darajasini sinchiklab o‘rganilganidan so‘ng qabul qilinadi.
Izoh (0)