Rossiya prezidenti Vladimir Putin Yekaterinburgga tashrifi chog‘ida “Innoprom—2017” ko‘rgazmasiga tashrif buyurdi. U Nissan korporatsiyasining stendi oldida biroz turib qoldi va qachonlardir ushbu markadagi avtomobilda yurganligini ta’kidlab avtomobil konsernini maqtab qo‘ydi, deb xabar berdi “MK.ru”.
Putin ko‘rgazmada taqdim etilgan Nissan Murano’ni tomosha qilib, 90-yillarda Peterburg meriyasida ishlab yurgan davrlarida xuddi shu markadagi avtomobil haydaganini aytdi.
“Bu u qadar murakkab mashina emas edi, biroq menga yoqardi”, — deydi Rossiya prezidenti.
Avvalroq, OAV Putin yangi “Kortej” limuzinini sinab ko‘rgani haqida xabarlar tarqalgandi. Biroq Putin Germaniyadagi G20 sammitida buni inkor etdi.
Izoh (0)