Биз мавжудлигини билмаган ақлли гаджетлар (фото)

Ҳар йили инсон ҳаётини яхшилаш ва вақтини тежаш мақсадида кўплаб янги ихтиролар қилинади. AdMe шу каби ихтиролар ҳақида маълумот тўплаб тақдим этди.

Ҳомиладор аёллар учун PreVue камари

Ҳомиладор аёлнинг қорнига тақилган PreVue қурилмаси бўлажак ота-оналар реал вақтда ўз фарзанди қандай ўсаётганини, ухлаётганини ва ҳаракат қилаётганини туғилгунига қадар кўриш имкониятини беради.

Проектор билагузук

Cicret компаниясининг билагузуги ёрдамида сизнинг қўлингиз планшетга айланади. Смартфоннинг экрани қўлингизда пайдо бўлади ва у орқали турли буйруқларни беришингиз мумкин.

Сочларни ёрқинлаштирувчи дазмол

Американинг Pravana бренди бир неча дақиқа ичида сочларни ёрқин рангга айлантирувчи дазмолни тақдим этди. Бу сочни бўяшда ишлатиладиган бўёқларга нисбатан хавфсиз ҳисобланади.

Touch-Hear луғати

Сингапур университетида Touch-Hear луғати ишлаб чиқарилди. У икки қисмдан иборат: бармоқ учига ўрнатиладиган кичкина сенсор ва қулоққа ўрнатиладиган спикердан. Сканер орқали китобдаги сўзларга тегинилса унинг маъносини эшитиш мумкин бўлади.

Мия фаолиятининг стимулятори

Thyns — электр импулслари ёрдамида стресслардан қутулишга, оғир иш кунидан кейин дам олишга ёки аксинча, бардам бўлишга ёрдам беради.

Neutrogena Light Therapy ниқоби

Ушбу ниқобнинг ички қисмида LED-ёритгичлар мавжуд: кўк ёритгич бактерияларга қарши, қизили эса яллиғланишни камайтириш учун. Ниқобни бир ой давомида кунига 10 дақиқа тақиш кифоя.

Уйқусизликка қарши ниқоб

Ниқобдаги светодиодлар уйқуга кетишда қуёш ботишининг нурларини, уйғонишда эса юмшоқ кўк нурларни ёдга солиб уйқусизликка барҳам беради.

Қўнғироқ қилиш мумкин бўлган тақинчоқ

Ҳамма ҳам уйининг калитини йўқотиб қўйганида «қанийди калитга қўнғироқ қилиб бўлса» деб ўйлаши шубҳасиз. Эндиликда ушбу янги тақинчоққа смартфонингиз орқали қўнғироқ қилишингиз мумкин. Уни кучук бўйинбоғига, рюкзакка, ҳатто телевизор пультига ҳам қотириб қўйиш мумкин.

Кичкина вакуум насоси

Ярадаги заҳарларни доимо ҳам оғиз билан сўриб чиқариб ташлаш ноқулай. Ушбу насос орқали эса ярадаги деярли барча заҳарни чиқариб ташлаш мумкин.