Xitoyning Guanjou shahrida bolakay yo‘lovchi tashish uchun mo‘ljallangan avtobusni minib qochdi. Voqea mahalliy vaqt bilan 14:00 da, ko‘chada odamlar ko‘p ekanligida sodir bo‘ldi, deb xabar berdi TJournal.
Bolakayning yoshi aniq nechida eganligi noma’lum — Shanghaiist va Ecns nashrlarida 9 yosh deb ko‘rsatilgan, South China Morning Post nashri esa uni 12 yosh deb keltiradi. Ushbu voqea 30-iyunda sodir bo‘lganiga qaramay, u haqida bugun ma’lum bo‘ldi.
Maktab o‘quvchisi qanday qilib avtobusga chiqib qolgani aytilmayapti. Guvohlar tomonidan yozib olingan videoda avtobus oynasining singanini ko‘rish mumkin. Bu vaqtda avtobus salonida yo‘lovchilar bo‘lmagan.
Avtobusga egalik qiluvchi Guangzhou Yueyun Bus Co kompaniyasining xabar berishicha, avvalroq bolakay uyali telefonlar va hamyon o‘g‘rilagani uchun qo‘lga olingan. Bu safar bolakay avtobusga o‘rnatilgan GPS-qurilma orqali qo‘lga olingan.
Bolakay politsiyaga yetkazilgan, biroq u hali yosh bo‘lgani sabab unga nisbatan hech qanday ayblov e’lon qilinmagan. U keyinroq ota-onasi bilan birga qo‘yib yuborilgan.
Izoh (0)