Internetda Moskva viloyatining Odinsovo tumanidagi Trexgorka qishlog‘ida yashovchi erkak suv bosgan ko‘chalarda puflama qayiqda qarmoq bilan suzib yurgani aks etgan video joylashtirildi. Bu haqda “RIA Novosti” xabar bermoqda.
Videolavhada erkak “transport”ni tayyorlayotgani, shundan so‘ng qarmoq bilan qayiqqa o‘tirib, eshkaklar yordamida suzib ketganini ko‘rish mumkin.
Uning yonidan o‘tib ketayotgan avtomobil erkakni boshdan-oyoq shalabbo qildi. Biroq bu “baliqchi”ning shashtini qaytarmadi — u hech narsa bo‘lmagandek yo‘lning o‘rtasida o‘ljasini poylashda davom etdi.
Ma’lumot uchun, Moskva viloyatida 30-iyun, juma kuni tushki payt kuchli jala boshlandi va ayrim hududlarni suv bosdi.
Yuz bergan kuchli yog‘ingarchilik keltirib chiqargan toshqin oqibatida ikki kishi halok bo‘lgan va to‘qqiz kishi jabrlangan.
Izoh (0)