Хитойнинг Гуанжоу шаҳрида болакай йўловчи ташиш учун мўлжалланган автобусни миниб қочди. Воқеа маҳаллий вақт билан 14:00 да, кўчада одамлар кўп эканлигида содир бўлди, деб хабар берди TJournal.
Болакайнинг ёши аниқ нечида эганлиги номаълум — Shanghaiist ва Ecns нашрларида 9 ёш деб кўрсатилган, South China Morning Post нашри эса уни 12 ёш деб келтиради. Ушбу воқеа 30 июнда содир бўлганига қарамай, у ҳақида бугун маълум бўлди.
Мактаб ўқувчиси қандай қилиб автобусга чиқиб қолгани айтилмаяпти. Гувоҳлар томонидан ёзиб олинган видеода автобус ойнасининг синганини кўриш мумкин. Бу вақтда автобус салонида йўловчилар бўлмаган.
Автобусга эгалик қилувчи Guangzhou Yueyun Bus Co компаниясининг хабар беришича, аввалроқ болакай уяли телефонлар ва ҳамён ўғрилагани учун қўлга олинган. Бу сафар болакай автобусга ўрнатилган GPS-қурилма орқали қўлга олинган.
Болакай полицияга етказилган, бироқ у ҳали ёш бўлгани сабаб унга нисбатан ҳеч қандай айблов эълон қилинмаган. У кейинроқ ота-онаси билан бирга қўйиб юборилган.
Изоҳ (0)