Prezident Shavkat Mirziyoyev 30-iyun kuni neft va gaz sanoatining boshqaruv tizimini rivojlantirish borasidagi qarorga imzo chekdi. Bu haqda “Prezident.uz” saytiga tayanib, “Gazeta.uz” xabar berdi.
Bir qator tashkilotlar birlashish yo‘li orqali qayta tashkil etiladi, boshqalari esa “O‘zbekneftgaz” va uning aksiyadorlik jamiyati tarkibidan alohida tashkilot sifatida chiqariladi.
“O‘ztransgaz” mintaqalararo unitar korxonalarining 6 ta bazasi qoshida 14 ta gaz ta’minotining hududiy filiallari, “O‘zneftmahsulot”ning 23 ta unitar korxonalari bazasi qoshida esa, neft mahsulotlarining realizatsiyasini amalga oshiruvchi 15 ta MChJ shaklidagi mintaqaviy tashkilotlar tashkil etiladi. Shu bilan birga tuman va shahar gaz ta’minoti filiallarining tumanlararo gaz ta’minoti uchastkalari, shuningdek, neft mahsulotlarini saqlash va realizatsiya qiladigan past rentabelli obyektlar soni optimallashtiriladi.
“O‘zbekneftgaz” va uning aksiyadorlik jamiyati tarkibiga kiruvchi tashkilotlarning o‘zgartirish xulosalariga ko‘ra, 12 ming xodimni qisqartirish ko‘rib chiqilmoqda. Ishdan bo‘shatilgan xodimlarning ishga joylashishida ko‘mak berilishi lozim.
“O‘zbekneftgaz”ning oldiga neft va gaz sanoati strukturasini chuqur o‘zgartisih, mahsulotlarning raqobatbardoshliligini oshirish, shuningdek, aholining neft va gaz mahsulotlariga bo‘lgan iqtisodiy ehtiyojini qondirishdan kabi vazifalar qo‘yilgan.
“O‘ztransgaz” AK zimmasiga esa mamlakat iste’molchilarini tabiiy va suyultirilgan gazga bo‘lgan ehtiyojini asosiy gaz quvurlarining transport tizimini va gaz taqsimoti tarmoqlarini takomillashtirish orqali ta’minlash maqsadi qo‘yilgan.
Izoh (0)