Shirakayf ayol Braziliya prezidenti Mishel Temerning qarorgohi — Jaburu saroyiga kirib bordi. Bu haqda davlat rahbarining matbuot xizmati ma’lum qildi, deb xabar beradi “TASS”.
“1-iyul kuni tungi soat 3:00 atrofida mast holatda bo‘lgani taxmin qilingan ayol Jaburu saroyini o‘rab turgan devorni oshib o‘tdi va saroy ichida joylashgan avtoturargohgacha yetib bordi”, — deyiladi matbuot xizmati xabarida. Prezident Temer bu paytda qarorgohdagi xonalardan birida bo‘lgan.
Binoni qo‘riqlayotgan harbiy xizmatchilar osmonga qarata bir necha ogohlantiruvchi o‘q uzdi va shundan so‘ng ayolni qo‘lga oldi. Uning ismi-sharifi va bunga undagan sabablar hozircha ma’lum qilinmadi.
Mazkur hodisa Braziliyada davlat rahbari qarorgohiga kirishga urinish bilan bog‘liq bir oy mobaynidagi uchinchi holat ekanligi bildirilmoqda.
Izoh (0)