Таиландда Элиза Даллеманге исмли 30 яшар бельгиялик қизнинг ўлими юзасидан тергов бўлмоқда. Унинг жасади апрель ойининг охирларида Тау оролидан, эчкемар томонидан парчалаб ташланган ҳолда топилган эди. Полиция ҳалок бўлганнинг яқинларига қиз ўз жонига қасд қилган дея хабар берган, бироқ Элизанинг оиласи бунга ишонмаган. Бу ҳақда Меtro’га таяниб, «Вести.ru» хабар берди.
Даллемангенинг танаси эчкемар томонидан шу қадар кучли парчалаб ташланганки, фақатгина стоматологик экспертиза орқали унинг шахсини аниқлашга муваффақ бўлинган.
Қизнинг ота-онасини айтишича, сўнгги ойларда у дунё бўйлаб саёҳат қилган, ёгани ўрганган ва медитация билан шуғулланган. Бельгия фуқароси қариндошлари билан ўлимидан бир неча кун олдин Skype орқали гаплашган. Қизнинг кайфияти аъло бўлган, у «орол жаннат»да табиат билан уйғунликда яшаётганидан бахтли эканлигини сўзлаган.
Элизанинг ота-онаси қизнинг танаси ёнидан ўлим олди хати топилмаганидан шубҳаланмоқда. Журналистларнинг тахминича, Таиланд полицияси туристларни чўчитиб юбормаслик учун хорижлик қизнинг ўлимига аниқ нима сабаб бўлганини айтмаяпти.
Сўнгги уч йил ичида Тау оролида етти киши ҳалок бўлган. Уларнинг барчаси узунлиги уч метргача келадиган эчкемарлар қурбонига айланган. Улар заҳарли бўлиб, чақиши кўпинча ўлимга олиб келади.
Изоҳ (0)