20 yil davomida restoran akvariumida yashagan dengiz qisqisbaqasi tantanali ravishda yana dengizga qo‘yib yuborildi, deb xabar berdi “Kommersant”.
Butch Yamali Nyu-York shahri chetidagi Xempsted hududidan ushbu muassasani sotib olganida qisqichbaqasimon shu yerda bo‘lgan. Qisqichbaqa restoranga Butchga qadar egalik qilgan ikki rahbardan ham ko‘proq umr ko‘rgan. Bu vaqt davomida qisqichbaqa o‘zining ismiga ega bo‘lgan va 10 kilogrammga semirgan.
Mutaxassislar uning yoshini qobig‘i ustidagi halqalar orqali aniqlashdi. Taxminlarga ko‘ra uning yoshi 132 da. Iyun oyida Butchga Lui uchun 1000 dollar taklif qilishgan. U Otalar kunida tushlik dasturxonini bezashi kerak edi. Biroq restoran rad javobini bergan.
“U men uchun deyarli uy arzandamga aylanib qolgan, men uni sota olmayman. Hamma narsa ham pul bilan o‘lchanmaydi”, — dedi Butch Yamali. Shundan so‘ng u qisqichbaqani ozodlikka qo‘yib yuborishga qaror qildi. Marosimda shahar boshqaruvi a’zosi Entoni Santino Luiga rasmiy afvni o‘qib eshittirgach, uni qayiqda dengiz riflariga olib borib qo‘yib yuborishdi.
Bundan bir yil oldin Butch Yamali hamda Entoni Santino 130 yoshga kirgan Larri laqabli boshqa bir qisqichbaqani huddi shu tarzda ozodlikka qo‘yib yuborgan edi. Butch Yamalining restoranida yana bu kabi qari qisqichbaqalardan nechta borligi noma’lum.
Izoh (0)