20 йил давомида ресторан аквариумида яшаган денгиз қисқисбақаси тантанали равишда яна денгизга қўйиб юборилди, деб хабар берди «Коммерсантъ».

Бутч Ямали Нью-Йорк шаҳри четидаги Хэмпстед ҳудудидан ушбу муассасани сотиб олганида қисқичбақасимон шу ерда бўлган. Қисқичбақа ресторанга Бутчга қадар эгалик қилган икки раҳбардан ҳам кўпроқ умр кўрган. Бу вақт давомида қисқичбақа ўзининг исмига эга бўлган ва 10 килограммга семирган.

Мутахассислар унинг ёшини қобиғи устидаги ҳалқалар орқали аниқлашди. Тахминларга кўра унинг ёши 132 да. Июнь ойида Бутчга Луи учун 1000 доллар таклиф қилишган. У Оталар кунида тушлик дастурхонини безаши керак эди. Бироқ ресторан рад жавобини берган.

«У мен учун деярли уй арзандамга айланиб қолган, мен уни сота олмайман. Ҳамма нарса ҳам пул билан ўлчанмайди», — деди Бутч Ямали. Шундан сўнг у қисқичбақани озодликка қўйиб юборишга қарор қилди. Маросимда шаҳар бошқаруви аъзоси Энтони Сантино Луига расмий афвни ўқиб эшиттиргач, уни қайиқда денгиз рифларига олиб бориб қўйиб юборишди.

Бундан бир йил олдин Бутч Ямали ҳамда Энтони Сантино 130 ёшга кирган Ларри лақабли бошқа бир қисқичбақани ҳудди шу тарзда озодликка қўйиб юборган эди. Бутч Ямалининг ресторанида яна бу каби қари қисқичбақалардан нечта борлиги номаълум.