Janubiy Koreya avtomobillari ketma-ket ikkinchi yil AQShdagi eng ishonchli avtomobil deya topildi. Mahalliy ekspertlarning fikricha, so‘nggi yillarda avtomobil ishlab chiqaruvchilar o‘z mahsulotining sifatini sezilarli darajada yaxshilagan. Avtomobillardagi eng muammoli joylari bu boshqaruv tizimi hamda multimediasi bo‘lgan. Umumiy miqdorda konveyerdan chiqqan nosoz avtomobillar soni 8 foizga qisqardi, deb xabar berdi “Gazeta.ru”.
Amerikaning J.D.Power and Associates agentligi eng ishonchli avtomobillar reytingini e’lon qildi. 2017-yil davomida o‘tkazilgan tadqiqotlar natijasida mutaxassislar 80 ming nafar yangi avtomobil egalari orasida so‘rov o‘tkazdi.
Avtomobil qanchalik nosoz bo‘lsa, shunga muvofiq uning reytingdagi o‘rni ham pastlab boradi. Umuman olganda o‘tgan yilgiga nisbatan yangi avtomobillarga bo‘lgan shikoyat joriy yilda 8 foizga qisqargan.
Janubiy Koreyaning Kia avtomobil markasi ketma-ket ikkinchi bor eng ishonchi deya topildi — har yuzta avtomobilga 72 ta nosozolik to‘g‘ri kelgan.
Ikkinchi o‘rinni ham Janubiy Koreya avtomobilsozlik kompaniyasiga tegishli Hyundai — Genesis markasi egalladi (77 ta nosozlik). 78 ta nosozlik bilan Porsche kuchli uchlikdan joy oldi.
To‘rtinchi o‘rinni o‘z natijalarini yaxshilagan Ford (86 ta nosozlik, o‘tgan yili 102 ta nosozlik) hamda Ram pikapi (86 ta) egalladi. Beshinchi pog‘onadan 88 ta nosozlik ko‘rsatkichi bilan BMW, Chevrolet va Hyundai avtomobil modellari joy oldi.
Reytingning so‘nggi qatorlarini Yaponiyaning Mazda (yuztadan 125 ta nosozlik), Land Rover va Mitsubishi (131 tadan nosozlik), Volvo (134 ta) hamda Jaguar (148 ta) egalladi.
Tadqiqot natijalariga ko‘ra eng ishonchsiz avtomobil deya yana bir bor Fiat topildi. Ushbu markadagi har yuzta avtomobildan 163 ta nosozlik holatlari aniqlangan.
Izoh (0)