AllurGroup kompaniyasi Qozog‘istonda ommabop bo‘lgan JAC avtomobillarini “Xolding Aziya Grupp Tojikiston” uchun yuklab jo‘natdi. Ilk partiya 600 ming dollarlik 55 ta mashinani o‘z ichiga oldi. 10,5 million dollarlik loyiha doirasida jami 1000 ta JAC avtomobili yetkazib beriladi. Bu haqda “1news.uz” xabar bermoqda.

2017-yilning besh oyi ichida Qozog‘iston avtomobillari eksporti hajmi 341 donani tashkil etdi, Tojikiston xoldingi bilan shartnoma doirasida eksport qilinadigan avtomobillar partiyasi ushbu ko‘rsatkichni 16 foizga oshiradi.

AllurGroup kompaniyasi KazakhExport sug‘urta kompaniyasi va Qozog‘istonning Tojikistondagi elchixonasi ko‘magida “Xolding Aziya Grupp Tojikiston” bilan aprel oyida shartnoma imzolagan, unga ko‘ra, Dushanbega 2018-yil oxirigacha Tojikiston poytaxti taksomotor parkini yangilashga mo‘ljallangan qozoq avtomobillari yetkazib beriladi.