2017-yilning 26-iyun kuni Vengriya Tashqi iqtisodiy aloqalar va tashqi ishlar vaziri Peter Siyyarto Toshkent shahriga rasmiy tashrif bilan keladi. Bu haqda O‘zbekiston TIV matbuot xizmati xabar berdi.
Ikki kunlik tashrif dasturidan O‘zbekiston Respublikasi Oliy majlisi Senati, Vazirlar Mahkamasi, Tashqi ishlar, Tashqi savdo, qishloq va suv xo‘jaligi vazirliklarida, shuningdek Investitsiyalar bo‘yicha davlat qo‘mitasi va Savdo-sanoat palatasi rahbarlari bilan o‘tkaziladigan uchrashuvlar va muzokaralar o‘rin olgan.
TIVning “Daryo”ga ma’lum qilishicha, Peter Siyyarto Toshkentda Vengriya elchixonasining rasmiy ochilish marosimida ishtirok etadi.
Ma’lumot uchun, Vengriyaning O‘zbekistondagi elchixonasi 2016-yilning fevralida o‘z faoliyatini boshlagandi.
Izoh (0)