2017 йилнинг 26 июнь куни Венгрия Ташқи иқтисодий алоқалар ва ташқи ишлар вазири Петер Сийярто Тошкент шаҳрига расмий ташриф билан келади. Бу ҳақда Ўзбекистон ТИВ матбуот хизмати хабар берди.
Икки кунлик ташриф дастуридан Ўзбекистон Республикаси Олий мажлиси Сенати, Вазирлар Маҳкамаси, Ташқи ишлар, Ташқи савдо, қишлоқ ва сув хўжалиги вазирликларида, шунингдек Инвестициялар бўйича давлат қўмитаси ва Савдо-саноат палатаси раҳбарлари билан ўтказиладиган учрашувлар ва музокаралар ўрин олган.
ТИВнинг «Дарё»га маълум қилишича, Петер Сийярто Тошкентда Венгрия элчихонасининг расмий очилиш маросимида иштирок этади.
Маълумот учун, Венгриянинг Ўзбекистондаги элчихонаси 2016 йилнинг февралида ўз фаолиятини бошлаганди.
Изоҳ (0)