Investitsiyaga yo‘naltirilgan aktivlari 10 million yuandan (salkam 1,5 million dollar) oshiq bo‘lgan Xitoy fuqarolari soni 2006-yildagi 180 ming kishidan 2016-yil oxiriga kelib 1,58 million kishiga yetdi. Bu haqda “Interfaks” xabar bermoqda.
Umumiy hisobda badavlat Xitoy fuqarolari 165 trillion yuan (24,2 trillion dollar) to‘pladi. Biroq ularning mol-mulki o‘sishi joriy yilda oxirgi o‘n yillikdagi minimum ko‘rsatkich — 14 foizni tashkil etishi kutilmoqda.
2017-yilda Xitoy millioner va milliarderlarining jami investitsiya qilinadigan aktivlari 188 trillion yuanga yetadi. O‘tgan yil oxirida aktivlari 100 million yuandan oshiq bo‘lganlar soni mamlakatda 120 ming kishini tashkil etgan.
Xorijda investitsiyalari bo‘lgan badavlat Xitoy fuqarolari 2011-yildagi 19 foizdan joriy yilda 56 foizga yetdi. Xitoy xususiy investorlarini oxirgi yillarda asosan Gonkong, AQSh, Avstraliya va Kanada jalb etgan.
Izoh (0)