Инвестицияга йўналтирилган активлари 10 миллион юандан (салкам 1,5 миллион доллар) ошиқ бўлган Хитой фуқаролари сони 2006 йилдаги 180 минг кишидан 2016 йил охирига келиб 1,58 миллион кишига етди. Бу ҳақда «Интерфакс» хабар бермоқда.
Умумий ҳисобда бадавлат Хитой фуқаролари 165 триллион юан (24,2 триллион доллар) тўплади. Бироқ уларнинг мол-мулки ўсиши жорий йилда охирги ўн йилликдаги минимум кўрсаткич — 14 фоизни ташкил этиши кутилмоқда.
2017 йилда Хитой миллионер ва миллиардерларининг жами инвестиция қилинадиган активлари 188 триллион юанга етади. Ўтган йил охирида активлари 100 миллион юандан ошиқ бўлганлар сони мамлакатда 120 минг кишини ташкил этган.
Хорижда инвестициялари бўлган бадавлат Хитой фуқаролари 2011 йилдаги 19 фоиздан жорий йилда 56 фоизга етди. Хитой хусусий инвесторларини охирги йилларда асосан Гонконг, АҚШ, Австралия ва Канада жалб этган.
Изоҳ (0)