Isroil sobiq bosh vaziri, 71 yoshli Ehud Olmert ko‘ksidagi og‘riqlar tufayli qamoqxonadan kasalxonaga o‘tkazildi. Bu haqda The Jerusalem Post xabar bermoqda.
Olmertni ko‘zdan kechirgan shifokorlar yurak xuruji ehtimolini rad etdi. Shunday bo‘lsa-da, uning oxirgi paytda oriqlab ketganini inobatga olib, qo‘shimcha tahlillar belgilandi.
Isroilni 2006-2009-yillarda boshqargan Olmert Quddus meri bo‘lib turganda “Xolilend” majmuasini qurgan kompaniyadan pora olganlikda aybdor deb topilgandi.
U dastlab 6 yil qamoq jazosiga hukm qilindi, apellyatsiyadan so‘ng bu muddat 19 oygacha keltirildi. Olmert 2016-yil 15-fevralidan Ramladagi “Maasiyagu” qamoqxonasida jazosini o‘tay boshladi. Joriy yil 29-iyunda uni muddatidan oldin shartli ravishda ozod etish masalasi ko‘rib chiqiladi.
Izoh (0)