Qohira jinoiy sudi mamlakat bosh prokurori Hishom Barakatning o‘ldirilishida ayblangan 31 kishini o‘lim jazosiga hukm qilish bo‘yicha hujjatlarni Misr oliy muftiysi tasdig‘iga yubordi. Bu haqda “TASS” xabar bermoqda.
Yakuniy hukm e’lon qilinishi 22-iyulga belgilangan. Ushbu sanada boshqa ayblanuvchilar bo‘yicha ham sud qarorlari chiqariladi.
Mazkur ish doirasida jami 67 kishi tergovga tortildi. Ular bosh prokurorni o‘ldirish maqsadida fitna uyushtirish va amalga oshirish, o‘qotar qurol, o‘q-dori va portlovchi moddalarni noqonuniy saqlashda ayblanmoqda.
Eslatib o‘tamiz, Misr bosh prokurori Hishom Barakat 2015-yil yozida avtomobili portlatib yuborilishi oqibatida halok bo‘lgandi.
Izoh (0)